قال رسول الله صلى الله عليه وسلم: "إِنَّ أَعْظَمَ النِّسَاءِ بَرَكَةً أَيْسَرُهُنَّ مَؤُونَةً (أي أقلّهن تكلفة ومَطالب)." (رواه أحمد وصححه الحاكم)

"مش سهل أبداً إنك تلخص رحلة حياتك كلها في كام سطر. لكن لو بدور على الخلاصة، فهقول إن أنا شاب مؤمن إن الحياة دي رحلة طويلة، والكمال فيها مش مطلوب من حد غير ربنا. أنا إنسان زي أي حد، ممكن أغلط وممكن أعمل الصح، لأن الكمال لله وحده... لكن في الآخر، دايماً برجع لربنا وبحاول أصحح طريقي وضميري بيكون صاحي. وده الأساس اللي بتمنى أشاركه مع شريكة حياتي؛ نساعد بعض على الطاعة ونشد بإيد بعض للجنة. بفضل الله، عندي هدوء ووقار وثقة في النفس نابعة من إيماني، وعلاقتي بكتاب ربنا هي النور اللي بمشي بيه، فالحمد لله حافظ لكتاب الله ومواظب على صلاتي. وده ركن أساسي لا يتجزأ من حياتي. أنا راجل عصامي بنيت نفسي بنفسي، واجتهدت عشان أقدر أفتح بيت محترم ومسؤول؛ عندي مشروعي الخاص اللي بشرف عليه وشغلي الأساسي في براند مطعم وحلواني معروف، يعني الاستقرار المادي والمهني موجود بفضل الله. وعشان البيت هو السكن والمملكة، أنا جهزت شقتي تمليك بالكامل بكل محتوياتها وتفاصيلها، ومش ناقصها غير (ملكتها) اللي تشاركني الرحلة. أنا جاي أطلب الستر والحلال، وعايز أدخل بيت محترم من باب الأصول بما أمرنا بيه ربنا ورسوله. مش طالب المستحيل، وطول ما النية خير، أنا موافق على أي طلب ييجي بالخير أو ييسر الجواز والحلال، وده وعد. بتمنى من ربنا يجمعني ببنت الأصول اللي تكون سند وعون، ونكمل بعض في طريق فيه سكينة ومودة ورحمة."