جميلة القلب طيبة الروح رفيقة الدرب كثيرة الشوق♥️

في ناس كتير العيد عدى عليهم… وماحدّش قالهم “كل سنة وإنت طيب”. لا تليفون رن… ولا رسالة وصلت… ولا حتى حضن قالهم “وحشتونا”. في ناس بتقضي العيد وهي بتضحك قدام الناس… وبتعيط جواها من الوحدة، من الغُربة، من غياب اللي كانوا. 🎈لو انت من الناس دي… فأنا بكتب لك دلوقتي تحديدًا: كل سنة وإنت بخير، حتى لو ماحدّش قالك. كل سنة وإنت قوي، حتى لو بتتألم. كل سنة وإنت غالي… حتى لو الناس نسيت. العيد مش دايمًا فرحة جماعية، ساعات بيكون دعوة هادية بينك وبين ربنا: “يا رب عوّضني عن كل اللي فات، واملالي قلبي اللي نقصه.” لكل حد حاسس بالوحدة في وسط الزحمة… أنا شايفك، وحاسس بيك، وبقولك من قلبي: إنت مش لوحدك. 🎉 عيدك رحمة… عيدك ستر… عيدك سلام داخلي. “لستُ حكيمًا… فقط أكتب كي لا أختنق.